ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡེ་ཤེས་དབྱིངས་དཔྱད་ཀྱིས་སེར་བྱེས་ལྷོ་པ་གནས་ལྔ་རིགས་པའི་དབང་ཕྱུག་སྐྱབས་རྗེ་ཆོས་ལྡན་རིན་པོ་ཆེའི་ཡང་སྲིད་དུ་ངོས་འཛིན་ཕྱག་རྟགས་ཕེབས་པ་མཆོག་སྤྲུལ་བསྟན་འཛིན་རྒྱལ་བསྟན་རིན་པོ་ཆེ་དཔལ་བཟང་པོ་མཆོག །བོད་རྒྱལ་ལོ་ ༢༡༥༠ ཟླ་ ༨ ཚེས་ ༡༣ དང་། ཕྱི་ལོ་ ༢༠༢༣ ཟླ་ ༩ ཚེས་ ༢༧ གཟའ་སྐར་མཆོག་ཏུ་དགེ་བའི་ཉིན་ཁྲི་འདོན་གྱི་མཛད་སྒོ་བསྐྱངས།
བླ་བྲང་གི་ཕྱག་མཛོད་དགེ་བཤེས་ཚེ་བརྟན་དགེ་ལེགས་མཆོག་གིས་གཙོས་པའི་ཕྱི་ནང་ཡུལ་གྲུ་གང་སར་ཡོད་པའི་འབྲེལ་ཡོད་སྐུ་འཁོར་ཡོངས་དང་། དེ་བཞིན་གང་གི་ཞབས་རྡུལ་སྤྱི་བོའི་རྒྱན་དུ་མཆོད་པའི་ཞལ་འཛོམས་ཀྱི་སྣང་བརྙན་ཁག་དང་། ཕྱི་རྒྱལ་ཡུལ་གྲུ་གང་སར་གནས་པའི་ཆོས་ཚོགས་ཁག་གི་དགེ་སློབ་ཡོངས་ཀྱི་དྲན་རྟེན་གྱི་འདྲ་པར་ཁག་དེ་བཞིན་དམ་པའི་ཆོས་ཀྱི་མཛད་སྒོའི་སྐབས་ཀྱི་དྲན་རྟེན་འདྲ་པར་བཅས་འདི་ནས་གཟིགས་གནང་རོགས།