དགའ་སྤྲོའི་དཔལ་ཡོན་མངོན་པར་འཕགས་པའི་དུས་ཁྱད་པར་ཅན་གྱི་སྐབས་འདིར་དགའ་འོས་པའི་གཏམ་བཟང་ཞུ་རྒྱུར།

དེ་ཡང་ལྷར་བཅས་འགྲོ་བའི་འདྲེན་མཆོག་དམ་པ་གངས་ཅན་བོད་མིའི་ལྷ་སྐལ་ས་སྟེང་རྒྱལ་བསྟན་ཡོངས་ཀྱི་མངའ་བདག་འཛམ་གླིང་ཞི་བདེའི་དེད་དཔོན་ཆེན་པོ། སྤྱི་ནོར་༸གོང་ས་༸སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ནས་ཡེ་ཤེས་དབྱིངས་དཔྱད་ཀྱིས། ཨོ་རིས་སའི་གཞིས་གྲོང་གཉིས་པར་ཡབ་བསྟན་འཛིན་མཐུ་སྟོབས་དང་ཡུམ་ནོར་བུ་སྒྲོལ་མ་ཟུང་གི་རིགས་ཀྱི་སྲས་ཀརྨ་མགོན་པོ་ཚེ་རིང་ལགས་སུ་སེར་བྱེས་ལྷོ་པ་༸སྐྱབས་རྗེ་ཆོས་ལྡན་རིན་པོ་ཆེའི་ཡང་སྲིད་དུ་དངོས་སུ་ཕྱག་རྟགས་ཕེབས་པ་དང་།

༧གོང་ས་༧སྐྱབས་མགོན་ཆེན་པོ་མཆོག་གི་ཐུགས་རྗེའི་བཀའ་དྲིན་ལ་བརྟེན་ནས་སེར་བྱེས་ལྷོ་པ་༧སྐྱབས་རྗེ་ཆོས་ལྡན་རིན་པོ་ཆེའི་ཡང་སྲིད་འཁྲུལ་བྲལ་ངོས་འཛིན་མཛད་ནས་གང་གི་ཡབ་ཡུམ་སྐུ་འཁོར་རྣམས་དང་། དེ་བཞིན་སེར་བྱེས་ལྷོ་པ་ཁང་ཚན་གྱི་རྒྱལ་སྲས་བླ་སྤྲུལ་རྣམས་དང་། བླ་བྲང་གི་ཕྱག་མཛོད་བཅས་སྐུ་འཁོར་རྣམས་དང་ལྷན་བཅས་གཟིམ་ཆུང་དུ་མཇལ་ཁའི་སྐབས་ཀྱི་འདྲ་པར་ཁག་དང་། ཡང་སྲིད་ངོ་འཛིན་གྱི་དགའ་སྟོན་མཛད་སྒོ་འཚོགས་པ་བཅས་ཀྱི་འདྲ་པར་ཁག