༄༅། །སྐུ་དུས་གསུམ་རྒྱལ་བ་ཀུན་འདུས་ངུར་སྨྲིག་གར། །
ཐུགས་ཆོས་སྐུའི་མཁའ་དབྱིངས་ཐབས་ཤེས་ཆུ་འཛིན་ལས། །
གསུང་གདུལ་བྱའི་ཞིང་སར་ཆོས་ཆར་འབེབས་བཞིན་དུ། །
ཁྱེད་བློ་བུར་ཞིང་གཞན་གཤེགས་པ་ཀྱེ་མ་ཧུད། །
ཐུན་མིན་དོན་ལ་བསྐལ་མང་རྒྱ་མཚོའི་སྔོན། །
བདེ་གཤེགས་བྱང་ཆེན་རྒྱལ་སར་བགྲོད་ཟིན་ཀྱང་། །
ཐུན་མོང་ངོར་དུའང་དམ་པའི་གཤིས་རྫོགས་པ། །
རྒྱལ་མཆོག་ཐུབ་བསྟན་རྒྱ་མཚོའི་འོས་སྤྲུལ་ཆེ། །
མདོ་སྔགས་རྒྱ་མཚོའི་གཞུང་དང་རིག་གནས་ལྔའི། །
གཏིང་དཔོག་དཀའ་བའི་བརྗོད་དོན་མ་ལུས་མཁྱེན། །
སྔོན་བྱོན་རྗེ་ཉིད་ལྟ་བུའི་སྐྱེས་ཆེན་མཆོག །
ཞིང་འདི་གཤེགས་པས་དུས་འདིར་ཀྱེ་མ་ཧུད། །