ENTRHONEMENT CEREMONY SCHEDULE
Chöden Rinpoche Gyalten Tenzin

ལྷད་མེད་དམ་ཚིག་གི་འོ་མཚོ་གཅིག་ཏུ་འཁྱིལ་བའི་འཛའ་ཞིང་བརྩེ་བའི་འཛམ་གླིང་ས་ཕྱོགས་གང་སར་གནས་པའི་འབྲེལ་ཡོད་ཆོས་གྲོགས་ཕོ་མོ་ཡོངས་ལ་འདི་གའི་དྲ་མཛོད་རྩོམ་སྒྲིག་ཁང་ནས་བཀྲ་ཤིས་པའི་གཏམ་བཟང་ཞུ་རྒྱུར།
ཉེ་བའི་ཆར་ཕྱི་ལོ་ ༢༠༡༧ ལོའི་ཕྱི་ཟླ་ ༦ ཚེས་ ༡༥ ཉིན་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ཨ་རིར་ (San Diego) སན་ཌིས་གྷོ་ཆིབས་སྒྱུར་སྐབས་སུ། སྐུ་ཞབས་ཞི་བ་ལྷ་རིན་པོ་ཆེ་དང་། བླ་བྲང་གི་ཕྱག་མཛོད་དགེ་བཤེས་ཚེ་བརྟན་དགེ་ལེགས། དགེ་བཤེས་ཐུབ་བསྟན་ཀུན་བཟང་བཅས་ཀྱིས་སྒེར་མཇལ་ཞུ་རྒྱུའི་སྐལ་བཟང་གི་གོ་སྐབས་ཐོབ་པའི་སྐབས། ༧སྐྱབས་རྗེ་ཆོས་ལྡན་རིན་པོ་ཆེའི་ཡང་སྲིད་ཀྱི་སྐོར་ཞུ་དོན་བཞིན། ༧གོང་ས་མཆོག་གིས་རིན་པོ་ཆེའི་ཡང་སྲིད་འབྱོང་པར་ཡིད་ཆེས་དང་ཤིན་ཏུ་བཟང་པའི་རྟགས་དང་མཚན་མ་བཅས་ལ་བརྟེན་ནས་ཡང་སྲིད་འཁྲུངས་ཡོད་པ་གསུངས་པ་དང་། རིན་པོ་ཆེའི་ཡང་སྲིད་འཁྲུལ་བྲལ་ངོས་འཛིན་ཡོང་བའི་ཆེད་འབྲེལ་ཡོད་ཡོངས་ཀྱིས་ཞབས་རིམ་འཇམ་དཔལ་མཚན་བརྗོད་གང་མང་གསོག་སྒྲུབ་གནང་དགོས་པ་གསུངས།

རྣམ་དཔྱོད་མཁའ་ལྟར་ཡངས་ཤིང་རྩོམ་རིག་ལ་དུང་བ་ཟབ་པའི་རྒྱ་ཆེའི་མཁྱེན་ལྡན་རྩོམ་པ་པོ་རྣམས་ཀྱི་སྙན་ལམ་དུ་ཞུ་རྒྱུར། ༧གནས་ལྡ་རིག་པའི་དབང་ཕྱུག་༧སྐྱབས་རྗེ་ཆོས་ལྡན་རིན་པོ་ཆེའི་བཀའ་དྲིན་རྗེས་དྲན་དུ་དམིགས་ཏེ། འདི་གའི་རྩོམ་སྒྲིག་ཁང་དུ་རིན་པོ་ཆེ་དང་འབྲེལ་བའི་སྐོར་བཀའ་དྲིན་རྗེས་དྲན་གྱི་བསྟོད་ཚོགས་དང་། དེ་བཞིན་གསོལ་འདེབས། སྙན་རྩོམ། ཀ་རྩོམ་སོགས་རང་རྩོམ་དང་གཞན་རྩོམ་གང་ཡིན་ཡང་རུང་། དྲ་རྒྱ་འདི་ཐོག་ཏུ་འཇུག་འདོད་ཡོད་རིགས་མ་ཡིག་གློག་ཀླད་བཅུག་ཟིན་པ་ཕུད་ཀློག་བདེ་བའི་སུག་བྲིས་དགོས་རྒྱུ་དང་། དེ་ཡང་འཇུག་བྱའི་ཡིག་རིགས་ཀྱི་བརྗོད་བྱ་ཇི་ཡིན་བརྟག་པའི་ཐོག་གཤམ་འཁོད་ཀྱི་ཆ་རྐྱེན་ཚང་བ་རྣམས་རིམ་བཞིན་འཇུག་རྒྱུ་དང་། ཆ་རྐྱེན་དེ་དག་མ་ཚང་ན་འཇུག་ཐབས་བྲལ་བས་དེ་དོན་དགོངས་མངའ་ཡོང་བ་མཁྱེན། རྩོམ་སྒྲིག་པ་རིག་པའི་མྱུ་གུར་འབོད་པས་ཕྱི་ལོ་ ༢༠༡༦ ཟླ་ ༢ ཚེས་ ༡ ལ།