༄༅། །བཀའ་མདོ་རྒྱུད་ཐོས་པའི་ཕ་མཐར་སོང་། །
དོན་བསམ་བྱུང་རིག་པས་སྒྲོ་འདོགས་བཅད། །
ཉམས་རྟོགས་པའི་རྦ་རླབས་སྟོང་གཡོ་བའི། །
ཕ་དྲིན་པོ་ཆེ་ལ་གསོལ་བ་འདེབས། །

༄༅། །ཐུབ་བསྟན་གངས་རིའི་སྤོ་ལ་གནས་བཅས་ཤིང་། །
བློ་བཟང་རྒྱལ་བའི་བསྟན་པའི་གཡུ་རལ་གསིགས། །
སྨྲ་ངན་རི་དྭགས་ཚོགས་ལ་འཇིགས་པ་བྲལ། །
དབང་ཕྱུག་བརྒྱད་ལྡན་གདོང་ལྔའི་དབང་པོས་སྐྱོངས། །

ཆོས་སྲིད་རྩིབས་སྟོང་ལྡན་པའི་འཁོར་ལོ་ཡིས། །
ས་གསུམ་སྐྱེ་དགུ་ཐར་པའི་གྲོང་ཁྱེར་དུ། །
ཀུན་ཀྱང་བཀྲི་བའི་མཛད་བཟང་སྐལ་བ་ཅན། །
རྣམ་འདྲེན་ཐུབ་པ་ཆེན་པོ་དགོངས་སུ་གསོལ། །