མཚན་བཟང་མཚན་དཔེའི་དཔལ་གྱིས་རབ་མཛེས་སྐུ། །
ལེགས་བཤད་ལེགས་འདོམས་དྲུག་བཅུའི་དབྱངས་ལྡན་གསུང་། །
མཁྱེན་ཟབ་མཁྱེན་བརྩེའི་གཏེར་གྱུར་མིག་མི་འཛུམ། །
དུང་དུང་དད་པས་འདུད་ལ་བྱིན་ཆེན་ཕོབས། །

འཆར་ནུབ་མི་མངའ་ཟུང་འཇུག་རྡོ་རྗེའི་སྐུ། །
གསང་ཆེན་བདག་གིས་སྤྱོད་ཡུལ་ག་ལ་ཡིན། །
འོན་ཀྱང་མ་བཅོས་དད་པའི་མེ་ལོང་ལ། །
ཤར་བའི་གཟུས་བརྙན་འགོད་ལ་སུ་ཡིས་བཤོལ། །

སྲིད་ན་མངོན་མཐོ་བློ་བཟང་རྒྱལ་བའི་བསྟན། །
འཇིགས་བྲལ་གངས་ཀྱི་རི་ལ་གནས་བཅས་ཤིང་། །
དྲི་མེད་རིགས་པ་སྨྲ་བའི་དབང་ཕྱུག་མཆོག །
དཔལ་ལྡན་རལ་པའི་ཁུར་ཅན་རྒྱལ་གྱུར་ཅིག །